junio 23, 2008
Non teremos AVE, nin teremos paneis solares
Galicia terá que agardar a que haxa uns xogos olímpicos ou unha expo, para que fagan o AVE. Temos a experiencia previa de Zaragoza, Sevilla e Barcelona.
Queda claro que todos eses AVE son pagos políticos, e como os galegos non nos vendemos sempre somos maltratados.
Agora temos o caso da mina de Serrabal, aquí pretiño de Santiago, cerca da aldea do meu pai. Resulta que ten un dos mellores sílices do mundo para fabricar placas solares de última xeración, o que podería ser un pulo industrial para Galicia, por fin ser líderes en algo. E resulta que os políticos que temos non deben ter a ben que os galegos teñamos algo decente que lle meten polo medio a vía do AVE.
Quixera saber onde andan os actores, artistas e demáis xente da farándula que tanto saía ás rúas cando o Prestige e os incendios, e agora que estamos en crise, que nos matan á fame, e co tema do plus dos 15000 euros….. ¿onde se acochan?
Todo isto lémbrame aos canciños que ladran aos que non lle dan de comer, e aos que lle dan de comer, móvenlle o rabo. E o resto da xente traballando duramente descargando caixas ou rozando no monte.